Nang Mabuwal ang Higanteng Puno

Nang mabuwal ang higanteng puno
...mabilis itong gumuho
nang walang nakarinig
ang malakas nitong bagsak
sa gitna ng malalim na gubat
ay sigaw na impit
ngunit lahat ng nakakaalam
nakadama ng sakit
tulad ng pagdapo
ng hanging malamig,
ng sayaw ng dahon
sa himpapawid,
singlamig ng niyebe
sa tag-lamig,
nakakapanginig,
dampi ng biglang ulan
sa napakahabang tag-init,
na biglang sumapit
sa matagal na tagsibol
ang kamatayan mo, kasama
ay isang balitang nakakagulat
sa gitna ng tag-init
humimlay ka
kasama at kaibigan
guro at kapatid,
ikaw na managhili
ngunit tunay na kaiingitan
sa iyong katapatan at lugod,
isa kang tunay na mandirigma
at tagapaglingkod,
sa puso ng sambayanan
mayroon ka nang
matayog na bantayog,

Friday, July 30, 2010 at 12:18pm