Malayang Salin
ni Rogelio L. Ordonez
Tayo Ma'y Mamatay
(Claude McKay)
tayo ma'y mamatay
huwag parang mga baboy lamang
tinutugis, ikinukulong sa sabsaban
sa paligid, hayok na tinatahulan
ng mga asong nakabantay
hinahamak, marawal na kalagayan.
tayo ma'y mamatay
o, mamatay tayong may dangal
upang mahalagang dugo natin
sa pagpatak di masayang
maging ating mga kalaban
mapipilitang tayo'y parangalan
kahit mga bangkay
na tayong nakatimbuwang!
o, mga kasama
harapin natin ang mga katunggali
marami man sila't talo tayo sa bilang
sa laksa-laksa nilang suntok
isang pamatay-dagok
lamang ang ating kailangan
ano na ang naghihintay
na libingan?
bilang lalaking magigiting
harapin natin
mga berdugo't mang-aalipin
kahit wala nang maurungan
o naghihingalo man
ipamukha natin ang paglaban
tayo ma'y mamatay
o, mamatay tayong may dangal!
1.7.11
Tag-Init, 1983
Tula
Tag-Init, 1983
Sa ibabaw ng burol
Mapapagmasdan ang kabilang ibayo
Ang matatayog na bundok
Ng Cordillera at kapatagan
Sa pagitang nahahati
Ng malawak na ilog Cagayan,
Isang lambak na berde
Sa panahon ng taniman
At malawak na kulay balat
Pagkatapos ng anihan
Kung may pinangarap na tirahan
Ay yaong itaas ng burol
Sa gilid ng kabundukan
Abot tanaw ang kabilang ilog
Ng Baggao-Amulong
Nakaharap sa kapatagan
Kita ang malawak na kalsada
Ngunit dito pala magaganap
Ang malalaking labanan,
Babasagin ng mga putok
Ang katahimikan.
Mamayani ang ugong
Ng isang dosenang helicopter,
Mga higanteng tutubing
Magbababa ng mga tropang
Sanadatahan para sindakin
Ang masa tungo sa pagsuko
At kawalang pag-asa:
Ngunit mabibigo sila,
Kung gaano sila biglang dumating
Ganoong kabilis din sila umatras
Ng salubungin ng umaatikabong putok,
dala ang kanilang mga sugatan
at patay...
Isang araw sa pabungad ng tag-araw,
Tunay bigo ang atake ng Oplan Tag-araw
Ng Task Force Alpha:
Mabilis man nilang nasakop
Ang Alcala-Baggao complex
Wala na ang mga gerilya ng bayan
Ligtas na silang nakatakas
At ikinubli ng mga mamamayan.
Naagaw man nila
ang burol na iyon,
Lupa lamang na pansamatala
Ang kanilang nasakop,
Hindi hindi ang isip at puso ng sambayanan
Na patuloy na pinagaalab
At lundo’t duyan
Ng rebolusyon
J. Luna
Hunyo 26, 2011
Tag-Init, 1983
Sa ibabaw ng burol
Mapapagmasdan ang kabilang ibayo
Ang matatayog na bundok
Ng Cordillera at kapatagan
Sa pagitang nahahati
Ng malawak na ilog Cagayan,
Isang lambak na berde
Sa panahon ng taniman
At malawak na kulay balat
Pagkatapos ng anihan
Kung may pinangarap na tirahan
Ay yaong itaas ng burol
Sa gilid ng kabundukan
Abot tanaw ang kabilang ilog
Ng Baggao-Amulong
Nakaharap sa kapatagan
Kita ang malawak na kalsada
Ngunit dito pala magaganap
Ang malalaking labanan,
Babasagin ng mga putok
Ang katahimikan.
Mamayani ang ugong
Ng isang dosenang helicopter,
Mga higanteng tutubing
Magbababa ng mga tropang
Sanadatahan para sindakin
Ang masa tungo sa pagsuko
At kawalang pag-asa:
Ngunit mabibigo sila,
Kung gaano sila biglang dumating
Ganoong kabilis din sila umatras
Ng salubungin ng umaatikabong putok,
dala ang kanilang mga sugatan
at patay...
Isang araw sa pabungad ng tag-araw,
Tunay bigo ang atake ng Oplan Tag-araw
Ng Task Force Alpha:
Mabilis man nilang nasakop
Ang Alcala-Baggao complex
Wala na ang mga gerilya ng bayan
Ligtas na silang nakatakas
At ikinubli ng mga mamamayan.
Naagaw man nila
ang burol na iyon,
Lupa lamang na pansamatala
Ang kanilang nasakop,
Hindi hindi ang isip at puso ng sambayanan
Na patuloy na pinagaalab
At lundo’t duyan
Ng rebolusyon
J. Luna
Hunyo 26, 2011
Aling Indang, Balo ng Beterano
Aling Indang, Balo ng Beterano
Hukot na hukot,
kuba na ang likod
Patuloy naglalakad
Si Aling Indang nanghihingi ng limos
Sa lahat ng ahensyang nagpapamudmod
“food distribution” kuno
dagdag pantawid gutom sa mga matatanda
at imigranteng inalisan ng welfare
ng gobyerno para daw makapagsarili
at huwag umasa sa pamudmod;
araw araw na ginawa ng diyos
sumasakay si Aling Indang
ng bus paparoon parito
para pumila
at hatakin
sa maliit na maletang de gulong
ang naipong pagkain
para huwag magastos
ang kakarampot na dolyar
na rasyon mula sa gobyernong tingin
sa kanila ay busabos.
Kawawang Aling Indang
Dumating sa Amerika
Kasama ang asawang beterano
Nakipaglaban para sa equity
Wala naming napala dahil patay
Na ang asawa
di sila binigyan
Balong naiwan,
Naiwan ang mga medalyang
Nasa ibabaw ng tokador,
Hindi naman makain
O mapaipagbili
Kaya araw-araw
Pumipila si Aling Indang
Para mag-ipon ng delata
At nakasupot na pagkain,
Ang iba ay expired na
at kayang itinatapon
pabigat pa sa hatak hatak na maleta.
Sabagay mas mabuti si Aling Indang
Kaysa sa mayayabang na Pilipino
Ayaw na ayaw pumila at humingi
Dala ang yabang minana sa mga Kastila
Mas mabuti pa raw magutom kaysa pumila tulad
Ng mga Eme o latino
Na umaasa sa gobyerno
Mga mataas ang ihi ngunit pango ang ilong.
Araw-araw nasasalubong ko
Si Aling Indang sa kanto
Bago ako pumasok
At sa paguwi sa bahay
Kailan kaya siya titigil
Sa pagpila tulad ng maraming
Nalalabing beterano
at matatandang Pilipino
Sa Amerika?
Ewan ko,
alam kung kapag tumigil
Siya sa pagpila
mawawala na siya sa mundo
Tulad ng mga beteranong tumigil
Lang sa pagrarali at paglalakad,
maging sa pagpila sa pagkain
ng pantay na ang kanilang mga paa
ApG
Hunyo 24, 2011
Hukot na hukot,
kuba na ang likod
Patuloy naglalakad
Si Aling Indang nanghihingi ng limos
Sa lahat ng ahensyang nagpapamudmod
“food distribution” kuno
dagdag pantawid gutom sa mga matatanda
at imigranteng inalisan ng welfare
ng gobyerno para daw makapagsarili
at huwag umasa sa pamudmod;
araw araw na ginawa ng diyos
sumasakay si Aling Indang
ng bus paparoon parito
para pumila
at hatakin
sa maliit na maletang de gulong
ang naipong pagkain
para huwag magastos
ang kakarampot na dolyar
na rasyon mula sa gobyernong tingin
sa kanila ay busabos.
Kawawang Aling Indang
Dumating sa Amerika
Kasama ang asawang beterano
Nakipaglaban para sa equity
Wala naming napala dahil patay
Na ang asawa
di sila binigyan
Balong naiwan,
Naiwan ang mga medalyang
Nasa ibabaw ng tokador,
Hindi naman makain
O mapaipagbili
Kaya araw-araw
Pumipila si Aling Indang
Para mag-ipon ng delata
At nakasupot na pagkain,
Ang iba ay expired na
at kayang itinatapon
pabigat pa sa hatak hatak na maleta.
Sabagay mas mabuti si Aling Indang
Kaysa sa mayayabang na Pilipino
Ayaw na ayaw pumila at humingi
Dala ang yabang minana sa mga Kastila
Mas mabuti pa raw magutom kaysa pumila tulad
Ng mga Eme o latino
Na umaasa sa gobyerno
Mga mataas ang ihi ngunit pango ang ilong.
Araw-araw nasasalubong ko
Si Aling Indang sa kanto
Bago ako pumasok
At sa paguwi sa bahay
Kailan kaya siya titigil
Sa pagpila tulad ng maraming
Nalalabing beterano
at matatandang Pilipino
Sa Amerika?
Ewan ko,
alam kung kapag tumigil
Siya sa pagpila
mawawala na siya sa mundo
Tulad ng mga beteranong tumigil
Lang sa pagrarali at paglalakad,
maging sa pagpila sa pagkain
ng pantay na ang kanilang mga paa
ApG
Hunyo 24, 2011
Subscribe to:
Posts (Atom)