Awit ng Potomac

Awit  ng Potomac

Ilog ng kasaysayan

Daluyan ng katapangan

Ilang ulit na tinagos

Ng mga hukbo sa kasaysayan

Tulad ng Ilog pasig ng Kamaynilaan,

Sakop ng tatlong estadong

nag-aagawan:

Waring perlas ng kapitolyo

Ng imperyalistang bayan

Inagaw sa sinapupunan

Ng ninunong Indyan

Hindi nawawala ang ringal

Ng ilog na makasaysayan

Kahit na daang taong lumipas

At ang dugong tumagas

Tinangay na ng agos

Na naglagos sa baybay

Sa anino ng Kapitolyo

Na sentro ng daigdigan

Ang paghanga ay naroroon

Tuwing dumaraan

Patawid ng daan

Ang puno niya ay Maryland

At timog ng Virginia

Tulad din ng Pasig

Nagmumula sa Montalban

At malaking lawang Laguna

Nagiiba-iba ang pangalan

Ngunit ang daloy Manila Bay

Ang kagampanan

Wala na ang bakas

Ng digmaang sibil

Na umagos, tumagas

Sa mga batuhang landas

At pampang naganap

Saksi ng madudugong

Labanan ng lumipas

Ang naiwan ay galit,

Pighati  hanggang ngayon

Bakas na bakas

Ang galit sa pagkawal

Diumano ng pang-aalipin

Nanatali laban sa imigranteng

Dumating

Bagamat ang bandila ng union

Ay nakataas at magiting

Ang konpederasyon

Ay buhay sa mangaalipin

Kailan kaya matatangay

Ng agos  ng Potomac

Ang galit ng lumipas,

Mabubuo ang pagkakapatid

Sa kontinente ng maraming bayan

At nasyunalidad?

Kung tuyo na ang Potomac

O nagyelo na ang lahat?

Kung natuyo na ang disyerto

At kalansay nang lahat?

Kung abo na ang Kapitolyo

At tunaw na ang nakalipas.

Oktubre 17, 2010